Kinderverhaalskrywer en illustreerder Hazell Schoeman se derde kinderboek, kielie kinders waar hulle die meeste daarvan hou – op hul mae. Die sê-goed, prentjies en gediggies in Kinderland Rympies laat kleuters en peuters uit hul magies uit lag vir muise se manewales, ʼn kabouter wat saam met ʼn padda langs ʼn dam sit en vlieë vang en bye wat hul pootjies in stuifmeel was.