Soos ‘n droom verby (Sagteband) $5.50

$5.50

Willem Breyl

Tyd. Omgewens deur kinders, gekoester deur bejaardes. Kosbaar, maar geringgeskat. Aan elkeen van ons is ʼn beperkte hoeveelheid geskenk, met die opdrag om dit verantwoordelik te bestee.
Tyd bly seker dié kosbaarste kommoditeit van ons bestaan waarmee ons, ironies genoeg, baie verkwistend en roekeloos omgaan. Tot die dag dat jy ontnugter besef, skielik en onverwags: die lewe, soos sonlig, die seisoene en soos ʼn droom, is tydelik en van korte duur.
Hierdie versameling gedigte is ʼn viering van die lewe se vreugdes en verganklikheid deur die oë van onder meer ʼn kluisenaar, alkoholis, onvervulde oujongnooi, verbitterde romantikus, bibliofiel, sport-fanatikus, depressiewe enkeling en taalpuris. Die gedigte wil troos bied vir elke traan, hoop vir alle hartseer, genade vir gebrokenes en vrede vir die feilbares.

Category: Tag:
Total sales: 0 pcs.

Beskrywing

Hierdie versameling gedigte is geїnspireer deur ʼn verskeidenheid mense. Mense se gewoontes, vrese, swakhede, ideale, opofferings en swaarkry. Mense wat my fassineer, irriteer en dié wat die lewe kompliseer. Alledaagse mense wat oor my pad kom en gaan, vername mense, heiliges, sondaars, gebrokenes, versteurdes, depressiewes en ook geliefdes wat ʼn spesiale plek in my hart het.

Die gedigte weerspieël my uitkyk op die lewe en diegene wat deel uitmaak daarvan. Om te skryf is vir my terapeuties en in ʼn deurmekaar wêreld help dit my om my gedagtes te orden.

Reviews

There are no reviews yet.

Be the first to review “Soos ‘n droom verby (Sagteband) $5.50

Your email address will not be published. Required fields are marked *